კადეტთა სამხედრო ლიცეუმი სკოლის მოსწავლეებთან საინფორმაციო შეხვედრებს მართავს.
ლიცეუმის წარმომადგენლები აბაშისა და სენაკის საჯარო სკოლების მე-8-9 კლასების მოსწავლეებს შეხვდნენ. კადეტებმა შეხვედრის პირველ ნაწილში მოსწავლეებს ლიცეუმის პრეზენტაცია წარუდგინეს. მეორე ნაწილი კითხვა-პასუხის რეჟიმს დაეთმო. მოსწავლეები ძირითადად ლიცეუმში ჩარიცხვის პირობებითა და სასწავლო პროგრამებით დაინტერესდნენ.
ლიცეუმი სასწავლო წლის დასრულების შემდეგ მოსწავლეთა ახალ ნაკადს მიიღებს. ლიცეუმში მიიღებიან მოსწავლეები, რომლებიც მიმდინარე წელს ასრულებენ ცხრა კლასს.
