74-ე სასწავლო შემოქმედებითი კონფერენცია

კადეტებმა  საქართველოს მასშტაბით ჩატარებულ სასწავლო-შემოქმედებით კონფერენციაში პირველი ადგილი დაიკავეს.

74-ე სასწავლო-შემოქმედებითი კონფერენციის სამართალმცოდნეობისა და საერთაშორისო ურთიერთობების სექციაში ლაშა აბულაძემ და თორნიკე კოპალიანმა (პედაგოგი მურამან სურმავა) პირველი ადგილი დაიკავეს.

კონფერენციის დასკვნით ეტაპში წარმატებული მონაწილეობისათვის სიგელებით დაჯილდოვდნენ კადეტები: გიორგი ბრუნჯაძე და ელენე ტყაბლაძე. მათ წარმატება  ლიცეუმის დირექტორმა ვიცე-პოლკოვნიკმა მალხაზ გოლეთიანმა მიულოცა. მათ წარმატებები უსურვა და კონფერენციაში კადეტთა ჩართულობის მნიშვნელობაზე გაამახვილა ყურადღება.

კადეტები ყოველწლიურად აქტიურად მონაწილეობენ სასწავლო-შემოქმედებით კონფერენციებში. წელს ლიცეუმიდან სხვადასხვა სექციაში შვიდი საკონფერენციო ნაშრომი გაიგზავნა. (ბმული)

მოსწავლე - ახალგაზრდობის ეროვნული სასახლე ყოველწლიურად ატარებს მოსწავლეთა სასწავლო-შემოქმედებით კონფერენციას, რომლის მიზანია ხელი შეუწყოს მოზარდთა შესაძლებლობების, ნიჭისა და უნარების მაქსიმალურ გამოვლენა-განვითარებას.

კონფერენციაში მონაწილე კადეტები, საკონფერენციო ნაშრომების ხელმძღვანელი პედაგოგები და საკონფერენციო თემები:

  • ,,პანდემიით გამოწვეული დამაფიქრებელი რიცხვები“ - ანა-მარია ქებაძე (II კურსი), პედაგოგი ცირა ტყეშელაშვილი.
  • ,,დღევანდელობა და მე-16 საუკუნის იმერეთის საეკლესიო პოლიტიკა“ - დათო გეგუჩაძე (III კურსი), პედაგოგი ზინა ბუბუტეიშვილი.
  • ,,ჩრდილო ატლანტიკური ხელშეკრულების ორგანიზაცია (NATO) და საქართველოს გეოსტრატეგიული მდებარეობა“ - გიორგი ბრუნჯაძე (I კურსი), პედაგოგი ბესიკ მაჩიტაძე.
  • ,,ბიბლიური სახე-სიმბოლოები ჯიბრან ხალილ ჯიბრანის ,,წინასწარმეტყველის“ მიხედვით“ - გიორგი ბრუნჯაძე (I კურსი), პედაგოგი სოფიო ცხელიშვილი.
  • ,,საქართველო და სამშვიდობო მისიები“ - ლაშა აბულაძე, თორნიკე კოპალიანი (III კურსი), პედაგოგი მურმან სურმავა.
  • ,,პანდემიასთან დაკავშირებული ნეოლოგიზმები“ - ელენე ტყაბლაძე (I კურსი), პედაგოგი ია დანელია.
  • ,,პანდემიასთან დაკავშირებული საკითხები ალბერ კამიუს ,,შავი ჭირის“ მიხედვით და თანამედროვე რეალობა“ - ნათია ნოდია (III კურსი), პედაგოგი ია დანელია.